Mio Dio
(di Vincenzo)
Criscimu belli, forti e spinzierati
Ca nenti accada addaviaru nchr'a li strjati;
Lu mali puru ch'esta non c'importa
Ca tantu pua non trjasa di la porta.
Nu mundu nnamuratu,
La miajju giuventù;
Nu passatu scunzulatu,
Chi ormai non s'arricorda cchiù
Vivimu ad ogni istanti lu mumiantu
Zzappandu cu timpesta e minaviantu
E la matina tuttu ha di cangiari
Ca ‘ndava tanti cuasi di sistemari
Affanni fin' a quandu lu suli scura
Jistimandu “chiddra mala ura”
La sira pua arriva spossatezza
E mora puru l'urtima ciertezza.
Chistu è lu distinu di la terra
Chi nascia pi suffriri e pi patiri;
Chista la minaccia di la guerra
Chi criscia innanzi a tutti sti sospiri.
La vita porta sempi delusioni
E sogni curtivati cu criteriu;
Nu saccu mbiscatizzu di soluzioni
E mali brutti chi non c'è rimediu.
Ognunu di nui l'affrunta tuttu mbastitu
Di l'armi chi trovau quand'era mpauritu
La soluzioni giusta è dintrju a mia
si mi rimiattu a dio cu anima pia
28\10\2008
(Wbm. M.Cirillo)
.jpg)